புதன், 18 அக்டோபர், 2017

874. கங்கை பொங்கணும்! : கவிதை

கங்கை பொங்கணும்!
பசுபதி


இது அம்மன் தரிசனம் 2008 தீபாவளி மலரில் வந்த கவிதை.


தீபாவ ளித்திரு நாளினிலே -- வளை
 சேர்ந்தகை கொட்டியே கும்மியடி!
கோபாலன் பேர்புகழ் பாடுங்கடி! -- இது
 கோகுல பாலனின் பண்டிகைடி!

நாட்டினர் சேர்ந்துகொண் டாடிடுவார் -- இது
 ஞான ஒளிக்கொரு பண்டிகைடி!
வீட்டில் விளக்குகள் ஏற்றிடுவோம் -- ஒளி
 மெய்ம்மையை நெஞ்சில் இருத்திடுவோம்!

ஆண்டவன் பூஜைதான் முக்யமடி! -- இன்று
 ஆடம் பரமின்றிக் கூடிடுவோம்!
யாண்டும் படர்ந்த வறுமையிருள் -- அதை
 யாவரும் சேர்ந்து விரட்டிடுவோம்!

பாவி நரகனை மாய்த்ததிலே -- சத்ய
 பாமையின் பங்கினைப் போற்றுங்கடி!
ஆவித் துணையாய் இருந்தவள்டி - அவள்
 ஆயர் மகனையே காத்தவள்டி !

பூமியில் தீமைகள் செய்திடுவோர் -- அந்தப்
 புல்லரைக் கண்டச்சம் ஏதுக்கடி?
பாமையைப் போல்தீரம் வேணுமடி! - கொடும்
 பாதகம் செய்வோரைப் பார்த்ததுமே!

காலை குளித்திடும் போதினிலே -- இன்று
 கங்கை வருவாளந் நீரினிலே!
ஞாலத்தில் வன்மை தணித்திடவே - அன்பு
 நம்முள்ளே கங்கையாய்ப் பொங்கணும்டி!

 ==========

தொடர்புள்ள பதிவுகள்:

873. தீபாவளி மலரிதழ்கள் - 2

’வெள்ளிமணி’ 1947 தீபாவளி மலரிலிருந்து 

சில இதழ்கள் .... 

' சாவி’ நடத்திய  இதழ். ’வெள்ளிமணி’ பிறந்த கதை இங்கே .

அட்டைப்படம் 

ஒரு விளம்பரம்


முகப்புப் படம்


வாழ்த்து

ஒரு பாடல்

 

பட விளக்கங்கள்



வரவேற்பு ..எதற்கு? 


பாரதி மணிமண்டப விழா


ஒரு கதை




[  If you have trouble reading some of the writings in an image , right click on each such image ,  choose the option 'open image in a new tab' , then in the new tab , use browser's  zoom facility to increase the image size and read with comfort. Or download each image in your computer and then read.  ]

தொடர்புள்ள பதிவுகள்:
தீபாவளி மலர்

செவ்வாய், 17 அக்டோபர், 2017

872. ஆஸ்கார் வைல்டு - 1

இரத்த ரோஜா
ஆஸ்கார் ஒயில்டு



அக்டோபர் 16. ஆஸ்கார் வைல்டின் பிறந்த நாள்.

‘அஜந்தா’ இதழில் 1953-இல் வெளியான ஒரு கதை இதோ.











[  If you have trouble reading some of the writings in an image , right click on each such image ,  choose the option 'open image in a new tab' , then in the new tab , use browser's  zoom facility to increase the image size and read with comfort. Or download each image in your computer and then read.  ]

தொடர்புள்ள பதிவுகள்:

ஆஸ்கார் வைல்டு : விக்கிப்பீடியா

திங்கள், 16 அக்டோபர், 2017

871. மு.கதிரேசன் செட்டியார் - 2

பண்டிதமணி
‘மணிமலர்’


அக்டோபர் 16. கதிரேசன் செட்டியாரின் பிறந்த தினம்.

‘சக்தி’ இதழில் 1942-இல் வந்த ஒரு கட்டுரை இதோ.




[  If you have trouble reading some of the writings in an image , right click on each such image ,  choose the option 'open image in a new tab' , then in the new tab , use browser's  zoom facility to increase the image size and read with comfort. Or download each image in your computer and then read.  ]

தொடர்புள்ள பதிவுகள்:

மு.கதிரேசன் செட்டியார்

வெள்ளி, 13 அக்டோபர், 2017

870. வன்முறை : கவிதை

வன்முறை
சுபதி 

’திண்ணை’ மின்னிதழில்  7, அக்டோபர்,  2001 -இல் வந்த கவிதை. 

வன்முறைச் சின்னம் ‘பின் லேடன் ‘ — இவனைக்
கொன்றிடில் வென்றியென்(று) ஆர்ப்பவன் மூடன்.
புகைநடுவில் தீயெரியும் உண்மை — வன்முறைப்
. . புதிரை அவிழ்த்தால் உலகுக்கு நன்மை !
பகைமரம் வெட்டல்மிக எண்மை — அதன்வேர்
. . பரவாமல் செய்வதே கற்றோரின் தன்மை!   (1)
வினையறுக்க முந்துமோர் ஆளு — அவனை
. . ‘வினையை விதைத்தது யாரெ ‘ன்று கேளு !
பனையுயரம் நில்பலாத் காரம் — அதனைப்
. . பாலூட்டிச் சீராட்டல் யாருப சாரம் ?       (2)
கண்ணாடி மாளிகை மக்கள் — பிறர்மேல்
. . கனவிலும் வீசலா மோபெருங் கற்கள் ?
தண்மையே நல்வாழ்வின் சாரம் — உரிய
. . தண்டனை செய்திட வந்திடும் நேரம் !     (3)
கத்தியை நம்பியே வாழ்வான் — முடிவில்
. . கத்தியே காலனாய் வந்துயிர் மாள்வான் !
புத்தியே தந்திடும் சித்தி — இந்த
. . யுத்தத்தில் வெற்றிபெற வேண்டும்நல் உத்தி ! (4)
மார்பினில் பாய்வது யாரு ? — மேற்கு
. . வளர்த்த கடாவாம் தாலிபான் பாரு !
தேர்ந்து விரோதியை வெல்லு ! — கூட
. . வேற்றினம் மேலுள் வெறுப்பையும் கொல்லு! (5)
அரசியல் வாதியுப தேசம் — கேட்டு
. . ஆத்திரப் பாதையில் போகுதே தேசம் !
பரஸ்பரம் மானிட நேசம் — இருப்பின்
. . பாரிலே வாழலாம் இன்பமாய் வாசம் ! (6)
வெறுப்பினால் வந்ததித் துக்கம் — நிறைய
. . வேண்டும் நமக்கே இனநல்லி ணக்கம் !
கறுவினால் மூண்டதீ யாண்டும் — அணையக்
. . கருணை மழைபெய்ய ஈசனருள் வேண்டும் ! (7)
*******
வென்றி=வெற்றி; எண்மை=இலேசு; கறு=ஆழ்ந்த பகைமை.
தொடர்புள்ள பதிவுகள்:

புதன், 11 அக்டோபர், 2017

869. சுப்பிரமணிய சிவா -3

சிறைவாசம்
சுப்பிரமணிய சிவம்

‘சக்தி’ இதழில் 1948-இல் வந்த ஒரு கட்டுரை.





தொடர்புள்ள பதிவுகள்: 

சுப்பிரமணிய சிவா

செவ்வாய், 10 அக்டோபர், 2017

868. கோபுலு - 6

கலையுலகம் -1













[ நன்றி: விகடன் ]

தொடர்புள்ள பதிவுகள்:
கோபுலு

திங்கள், 9 அக்டோபர், 2017

867. ஜெயபிரகாஷ் நாராயண் -1

கர்ம வீரர் ஜயப்பிரகாஷ் 
‘ஜம்பு’

அக்டோபர் 8. ஜெயபிரகாஷ் நாராயணனின் நினைவு தினம்.

‘பாரிஜாதம்’ இதழில் 1948-இல் வந்த ஒரு கட்டுரை இதோ.






தொடர்புள்ள பதிவுகள்:
ஜெயபிரகாஷ் நாராயண்: விக்கிப்பீடியா

ஞாயிறு, 8 அக்டோபர், 2017

866. பிரேம்சந்த் - 1

முன்ஷி பிரேம்சந்த் 10
ராஜலட்சுமி சிவலிங்கம்



அக்டோபர் 8. பிரேம்சந்தின் நினைவு தினம்.
====

இந்தி இலக்கிய உலகின் முடிசூடா மன்னராக விளங்கிய முன்ஷி பிரேம்சந்த் (Munshi Premchand) பிறந்த தினம் இன்று (ஜூலை 31). அவரைப் பற்றிய அரிய முத்துக்கள் பத்து:

l உத்தரப் பிரதேச மாநிலத்தில் பனாரஸ் அருகே லம்ஹி கிராமத்தில் (1880) பிறந்தார். இயற்பெயர் தன்பத்ராய் ஸ்ரீவத்சவ். தந்தை கணக்குப்பிள்ளை. லால்பூர் மதரஸாவில் 7 வயதில் கல்வியைத் தொடங்கினார். அங்கு உருது, பாரசீகம் கற்றார். 8 வயதில் அம்மா இறந்ததால், அப்பா இரண்டாம் திருமணம் செய்துகொண்டார். வறிய சூழலில் வளர்ந்தார்.


l பெட்டிக்கடைக்காரர் ஒருவரை சினேகம் பிடித்துக்கொண்டு அவரது கடையில் இருந்த உருது புத்தகத்தைப் படித்தார். புத்தக விற்பனையாளர் ஒருவரிடம் வேலை கேட்டு வாங்கி அங்கிருந்த நூற்றுக்கணக்கான புத்தகங்களைப் படித்து முடித்தார். பனாரஸ் குயின்ஸ் கல்லூரியில் சேர்ந்தார். 13 வயது முதல் எழுதத் தொடங்கினார்.

l தந்தை இறந்ததும், குடும்பச் சுமை இவரது தோள்களில் விழுந்தது. டியூஷன் சொல்லிக்கொடுத்து சம்பாதித்தார். உதவி ஆசிரியராக அரசுப் பள்ளியில் வேலைக்கு சேர்ந்தார். முதலில் ‘பாபு நவாப் ராய் பனாரஸி’ என்ற பெயரிலும், பிறகு பிரேம்சந்த் என்ற பெயரிலும் எழுதினார்.

l தான் ஏழ்மையில் இருந்தாலும், தன்னைவிட ஏழ்மை நிலையில் இருப்பவர்களுக்கு உதவும் தயாள குணம் படைத்தவர். 1903-ல் உருது இதழில் இவரது முதல் நாவல் ‘அஸ்ரர்-இ-மாபிட்’ தொடராக வெளிவந்தது.



l ‘துனியா கா அன்மோல் ரதன்’ என்ற இவரது முதல் சிறுகதை 1907-ல் வெளியானது. தொடர்ந்து பல நூல்கள் வெளிவந்தன. உருதுவிலும், பிறகு இந்தியிலும் எழுதினார். காந்தியடிகளின் ஒத்துழையாமை இயக்கத்தால் ஈர்க்கப்பட்டு, அரசு வேலையைத் துறந்தார். முழு மூச்சாக இலக்கியப் பணியில் இறங்கினார்.

‘மர்யாதா’, ‘மாதுரி’ இதழ்களில் ஆசிரியராகப் பணியாற்றினார். ஒரு அச்சகத்தைத் தொடங்கினார். ‘ஹன்ஸ்’ என்ற இதழை 1930-ல் தொடங்கினார். ‘பிரேம் பக்சி’, ‘ரங்பூமி’, ‘காயகல்ப்’, ‘கோதான்’, ‘கர்மபூமி’ உட்பட பல நாவல்களை எழுதியுள்ளார்.

l இவரது ‘பிரேமாஷ்ரம்’, ‘நிர்மலா’, ‘கபன்’ நாவல்கள், ‘மானசரோவர்’, ‘பிரேம்துவாதஷி’ ஆகிய கதைத் தொகுப்புகள் பிரபலமானவை. 300-க்கும் அதிகமான கதைகள் எழுதியுள்ளார்.1934-ல் இவரது சேவாசதன் என்ற நாவல் திரைப்படமாகத் தயாரிக்கப்பட்டது. வசனங்களையும் இவரே எழுதினார். தனது படைப்புகள் மூலம் மக்களிடம் தேசிய உணர்வுகளை வளர்த்தார்.


l அவரது எழுத்துக்கள் படிப்பவர்கள் மனதில் ஒரு காட்சிப்பதிவு போல பதியும் ஆற்றல் கொண்டிருந்தன. பிரச்சினைகளை எதார்த்தமாக நகைச்சுவை இழையோட சித்தரித்தவர்.

l இவரது நூல்களை சாகித்ய அகாடமி பல்வேறு மொழிகளில் வெளியிட்டுள்ளது. அரசியல், சமூகச் சீர்கேடு, தீண்டாமை, இன, மத மோதல்கள் குறித்து பல கட்டுரைகளை தனது ஜாகரண், ஹன்ஸ் பத்திரிகைகளில் எழுதிவந்தார்.

l இலக்கிய பரிவர்த்தனை மூலம் நாட்டில் ஒருமைப்பாட்டை வளர்க்க முடியும் என்று நம்பினார். இந்தி இலக்கிய வரலாற்றில் புதுயுகம் படைத்தவர். தன்னை ‘பேனா வீரன்’ என்று கூறிக்கொள்வார். சரத்சந்திரரால் ‘உபன்யாஸ் சாம்ராட்’ (நாவல் சக்ரவர்த்தி) என்று போற்றப்பட்ட முன்ஷி பிரேம்சந்த் 56 வயதில் (1936) மறைந்தார்.

[ நன்றி: tamil.thehindu.com ]

தொடர்புள்ள பதிவுகள்;
பிரேம்சந்த்